CKCM NI BA SHAMAI HKAWM CHYAI NA SARA


28.1.2017 ya shani wam hkawm na shara 
sa na aten-11:00 am 
hkrum na shara - Swiss Garden 

CKCK HPAJI MASING SARA NI HTE JAWNGMA NI

Laiwa sai shaning hta CKCM kaw nna ramma hpaji masing hta sa du sharin hkam la ai ramma hte sharin ya ai sara ni re

MIGRANT MASS HTA KCCM NI SA DU SHANG LAWM

Laiwa sai 25.9.2016 ya shani anhte Malaysia du jinghpaw Wunpawng Catholic hpung masha ni Setapak kaw na Good Shephard Church hta Migrant sunday lamang sa du shanglawm ai.


MISA HKUNGGA NAWNG JAU YA AI LAMANG


Jau : Kawa Kasha Chyoi Pra ai Wenyi a Mying ning sang hte..
S   : Amen
Jau : Madu nanhte hte rau nga nga u ga .
S   : Nang Wa hte mung nga nga u ga law.

Jau : Hpu nau ni e , ndai chyoi pra ai amu magam hpe, anhte ging dan ai hte galaw lu na matu,.... mara tawngban ga;

Mahkra dang chye ai Karai Kasang hpe mung nanhte hpe mung hpu nau ni e, ngai shut hpyit sai majaw hpyi nem nga ai. Nye a myit hte raitim, n-gup hte raitim, amu hte raitim, ra ai bungli n galaw ai hte raitim shut hpyit kau ni ai; Ye a mara, nye a grai kaba mara rai sa. Dai majaw dinggrin Hkawnsek rai nga ai Chyoi Pra ai Maria , Lamu Kasa ni, San Pra ai ni yawng mayawng hte,nanhte mung hpu nau ni e. nye a matu Madu Karai Kasang kaw , hpyi garum ya marit law. 

Jau : Mahkra dang chye ai Karai Kasang anhte hpe matsan dum let, shut hpyit mara raw dat ya nna, htani htana asak de woi wa mi ga! 
S   : Amen

Madu e matsan dum rit   ( 2 )
Hkristu e matsan dum rit ( 2 )
Madu e matsan dum rit   ( 2 )

Lamu e Karai Wa kaw shingkang,....

Karai Kasang A Mungga Hti Ai Daw

Reader: Ya hti ai gaw Karai Kasang a mungga rai nga ai.
S.        Karai Kasang hpe chyeju dum nga ga ai.

          (shakawn kungdawn ga mahkawn)

Jau : Madu nahte hte rau nga nga u ga.
S     : Nang Wa hte mung nga nga u ga law.

Jau  : Ya hti na gaw Marku a laika hta na  Kabu Gara ai shiga rai nga ai. 
S      : Madu e, Nang kaw hpung shingkang a nga nga u ga law.

Jau  : Ya hti ai gaw Madu a Kabu Gara ai Shiga rai nga ai.
S      : Hkristu e, Nang kaw shakawn kungdawn a nga nga u ga law.

Mahkra Dang Chye Ai Kawa,

Laklai Ahkyu Hpyi Ga
Jau : Tsaw ra ai hpu nau ni e, hpyi mu lu na ra ai; tam mu, mu na ra ai; akawk mu, hpaw na ra ai, nga nna Madu Yesu ga matsun tawn da sai, Dai majaw, myit mang langai sha hte ra ai chyeju nlang hte hpe Wa Karai Kasang kaw hpyi ga; 
Reader : Anhte a mundan rawt jat kalu kaba, ngwi pyaw sim sa wa na matu,
S : Wa Karai e, Ningsha ni jawm hpyi nga ga ai.
Reader  : Karai magam gun ni lani hte lani law htam wa na matu,
S : Wa Karai e, Ningsha ni jawm hpyi nga ga ai.
Reader : Machyi makaw,  yu yak jam jau hkrum nga ai hpu nau ni hpe Wa Karai Shaman ya na matu,
S : Wa Karai e, Ningsha ni jawm hpyi nga ga ai.

Jau  : Anhte a n-gun atsam hte shingbyi shawung shara rai ngai ai, matsan dum chye ai Wa Karai Kasang e, ningsha ni hpyi ai hte maren Hkristu a marang e jaw ya mi law.
S  : Amen

Chyeju Dum Shakawn  Ai Ga
Jau  : Madu anghte hte rau nga nga u ga.
S      : Nang Wa hte mung nga nga u ga law.
Jau   : Madu hta myit jung nga mu.
S       : Madu hta myit jung nga ga ai.
Jau    : Anhte a Madu Karai Wa hpe chyeju dum ga law.
S      : Dai gaw dingman ai hte htap htuk ai lam rai nga ai.

Jau     : Mahkra dang chye nna dinggrin a nga nga ai, Madu Magam,chyoi pra ai Wa Karai Kasang e,anhte a Madu Hkristu a marang e, nhtoi magup shara magup e Nang hpe anhte chyeju dum na gaw dingma ai hte htap nga nna , akyu rawng ai lam rai nga ai law. Nang gaw shinggyim masha hpe tsaw ra ai hte hpan da ai; ging dan ai hte maren daw dan sai; matsan dum ai hte bai hkye mawai la nit dai.
Dai Hkristu a marang e, Sumsing lamu na zaw nawng zaw wa hte lamu kasa nlang hte gaw nang hpe nawku let , Na a hpung shingkang hpe shakawn kungdawn nga ma ai. Anhte mung shanhte hte rau jawm shakawn lu u ga hpyi nem nga ga ai. Shing rai , grit nem ai myit hte Nang hpe kungdawn let tsun ga ai gaw..
S  :San  Pra , San Pra , San Pra , nga yawng a Madu Karai Wa, Lamu hte a-ga na shingkang shingwang hte hpring nga. Lamu hta kabu sharawng. Madu a mying ningsang hte du sa ai wa a nga ai. Lamu hta kabu sharawng. 

Chyoi Pra Ai Hkum Hkam La Ai Daw 
Jau  : Anhte a hkye hkrang la ai Madu Yesu Hkristu sharin ya ai ga hte Wa Karai Kasang hpang de kam hpa ai myit hte akyu hpyi saga:

S  : Sumsing lamu… 
Jau  :  Madu e, Hkye La Madu Yesu Hkristu du sa na hpe anhte myit mada let la nga ai laman hta , n kaja ai lam mahkra hta na shaw la mi; anhte a prat hta e ngwi pyaw simsa ai hpe jaw ya mi; shut hpyit mara hpe galoi mung koi yen kau nnam sharu shatsang ai lam shagu hta na lawt lu na matu, anhte hpe matsan dum garum ya mi.
S  : Madu Karai kasang e, daru magam, hpung shingkang hte mungdan gaw, Nang kaw nga nga ai law.

Jau  : Madu Yesu Hkristu e, Na a Kasa ni hpe, " nanhte kaw ngwi pyaw ap da ya nngai; nanhte hpe Nye a ngwi pyaw jaw ya made ai," nga nna tsun da nit dai. Anhtea mara hpe n sawn yu nna, nang myit ra ai hte maren, dai Hpung hpe myit hkrum myit ra ngwi pyaw simsa ai chyeju jaw ya rit; htani htana a hkrung nga nna up hkang nga ai Nang Madu hpe hpyi nem nga ga ai.
S  : Amen

Jau  : Madu a ngwi pyaw ai gaw nanhte hte rau a nga nga u ga.
S  : Nang Wa hte mung nga nga u ga law.
S  : Mungkan mara la kau ya ai Karai a Sagu Kasha e, Matsan dum la mi law. (2 lang)
 Mungkan mara la kau ya ai Karai a Sagu Kasha e, ngwi pyaw ai jaw ya mi law. 

Jau  : Yu mu , Karai Kasang a Sagu Kasha Mungkan mara la kau ya ai Madu rai nga ai. Dai Madu a dawsha poi de shaga la hkrum ai ni, a lu ma ai.
S  : Made e, Nang nye a kraw lawng de shang na matu, ngai n ging n dan nga nngai; ga hkaw mi sha tsun u, shaloi nye a nsa wenyi san pra wa na ra ai.

Jau  : Madu nanhte hte rau nga nga u ga.
S   :   Nang Wa hte mung nga nga u ga law.
Jau  : Mahkra dang chye ai Karai Kasang, Kawa , Kasha ,Chyoi Pra ai Wenyi gaw nanhte hpe shaman ya u ga.
S   :  Amen
Jau  : Ngwi pyaw ai hte wa manu, Missa Hkungga nawng ya sai.
S  :   Karai Kasang hpe chyeju dum nga ga ai.

KAWA MASAT NHTOI 2014

Father's Day KCCM Hartamas
KCCM Hartamas Ramma Ni A Kawa Masat Htoi Hta Kawa Ni Hpe Shagrau Hkrang Shala Kadun

NTSA LAM SHA YU CHYE AI MYIT


Lani mi na ninghtoi hta Mungkan hta mying gumhkawng ai Harvard Dakkasu de Dinggai langai hte Dingla langai sa wa ai. Shan yan gaw Dakkasu a jawng up kaba hte hkrum shaga na matu sa wa ai rai nga ai. Jawng up wa a rung chyare hpe jawng up hte hkrum shaga mayu ai lam tsun wu ai. Shaloi chyare wa gaw shan yen a gawng shingyan, bu hpun palawng ni hpe yu nna jawng up wa hte hkrum mayu yang gaw la ra na re la ga ja ja hte gadun dawk tsun dat wu ai. Dinggai yan Dingla mung jawng up hte lu hkrum na matu lahkum hta dung la nga nu ai.

Hkying hkum mi daram na tim jawng up hpe n jahkrum ya yang gaw ndai Dinggai yan Dingla wa mat na re ngu myit let Chyare wa gaw shi bungli hpe sha matut galaw nga ai. Bu hpun palawng hkik hkam, tsawm tsawm htap htap bu hpun mawn sumli sa ai masha ni hpe gaw mani sumsai rai hkap tau la nna jawng up wa a rung gawk de hkan sa ya ya rai nga ai.

Dingla wa gaw myit galu ai hte makau na shi laika hpe la nna hti dung nga ai. Dinggai jan gaw chyare wa yu dat shagu mani sumsai rai mani dan dan rai nga ai. Hpang jahtum chyare wa gaw myit n galu ai myi man nsam hte dai Dinggai yan Dingla hpe Jawng up wa a rung gawk de shang na ahkang jaw dat nu ai.

Jawng up wa a rung gawk de du ai shaloi mung, Jawng up wa gaw Dinggai yan Dingla hpe pawt singdawng ai, myit n galu ai myi man nsam hte hpa majaw sa ai lam san dat wu ai.

Shaloi Dinggai jan gaw, “laga gaw nre, an hta kasha langai nga ai, Shi gaw ndai Dakkasu  kaw laning mi sha jawng lung la nna nmyit mada ai si mat wa ai. Dai majaw an a kasha a matu ndai jawng wang hta masat masa langai ngai galaw ya mayu na sa ai rai ga ai,” ngu tsun dat wu ai.

Dinggai jan dai hku tsun dat ai shaloi, jawng up wa gaw nrai dum ai nsam hte, “ndai jawng kaw jawng lung wa ai ngu majaw sha nanhte kasha a sumla ‘status’ ndai jawng kaw n lu da ai,” ngu nsen manaw ja ja hte tsun dat wu ai. 

Dai shaloi Dinggai jan bai matut tsun ai gaw, “Oh.., an na kasha a sumla ‘status’ tawn na matu tsun ai nre, ndai jawng wang hta jawng langai gap ya na ngu ai she re,” ngu bai tsun dat wu ai.

Shaloi Jawng up gaw, myi she shagan kau hkra rai shan yan a gawng shingyan, bu hpun mawn sumli lam ni hpe bai yu nna, “jawng langai gap na matu gumhpraw dollar sen kaba ma ai lam nan yan chye gaw chye myit ni,” ngu yu kaji ai nsam hta bai san dat wu ai.

Dai shaloi Dinggai jan gaw, Dingla wa hpe gahtep nna “gumhpraw sen kaba sha ma ai da, dai rai yang anhte a Dakkasu hpe anhte nan gap la ga,” ngu si mani ai tsun nna dai jawng kaw na wa mat nu ai da. Jawng up wa mung dai ni gaw myit n gring ai ni hte hkrum ai nga nna shi chyu anyam let ngam nga nu ai.

Harvard Dakkasau jawng up wa gaw, hpang shani hta, Shi Laika hta Sahti kaba Mr hte Mrs Leland Standford kaw nna Standford Dakkasu hpe gaw gap sa wa na re lam n dau laika hpe  mu hti hkrup ai shaloi mau ai hte yawn ai hte shi hpe sa hkrum ai Dinggai yan Dingla gaw Sahti kaba yan re lam hpe chye mat ai.

Standford Dakkasu hpe Dollar Wan kaba ma gaw gap nna, 1891 ning kaw hpaw hpang wa ai. 1930 ning du hkra jawng shabrai nla ai sha hpaw lai wa ai. De hpang e she Dakkasu shang manu ni hpe la wa ai re lam chye lu ai.

Lahta na mabyin lam zawn sha, anhte hta mung masha nsam hpe sha yu nna, htang kaji, yu kaji ai lam ni byin chye nga ga ai. Karai Kasang gaw anhte shinggyim masha ni yawng hpe maren mara sha hpan da nna, maren mara sha shaman chyeju ni hpe ru jaw ya nga ai. Rai tim, nkau mi hpe gaw grau nna shaman chyeju jaw ya ai zawn anhte mu chye nga ga ai. Dai gaw tinang a Karai Kasang hpe hkrit hkungga ai, shakut shaja ai lam hta hkan nna Karai Kasang gaw shaman ya ai lam rai nga ai. Dai majaw anhte a sak prat hta mung manang wa hpe yu kaji ai, yu roi ai lam ni n byin hkra shakut sa wa let, Karai Kasang kaw na shaman chyeju grau grau hkam la lu hkra sak hkrung hkawm sa wa nga ga law.

Sara Paul Kaiji Naw Naw
2/5/2014

The Rejection That Led to the Founding of Stanford University hpe htuk manu hkra ga gale da ai re.

YAWNG HTA GRAU CHYOI PRA


1. Yawng hta grau Chyoi Pra, tsawra Nu Maria, na a lata hku chyeju mahkra lu na. Anhte chyoi pra wa lu na, makawp maga bau sin ya. Ning sha ni hpyi ai hpe madat la ya. Nu e, anhte hpe lanu lahku la rit.

2. Ning sha Yesu kaw, anhte ra ai chyeju, Nu hpyi ya na hpe anhte kam hpa nga ai. Agung alau hte hkrum yang, kam sham myit hpe shangang ya, Anhte ma ni hpyi nem ai ga madat. Nu e, anhte hpe lanu lahku la rit.

3. Prat naw kaji yang, Wa Karai hte seng nga, asak kaba tim Shi a kasha grin na, Nu Maria anhte hpe, lam woi madun sharin ya. Anhte ma ni hpyi nem ai ga madat. Nu e, anhte hpe lanu lahku la rit.